Trump wuxuu buuxinyaa booska banaan ee Maxkamadda Sare ugu dambeyn Sabtida!

0
51
Supreme Court Associate Justice Ruth Bader Ginsburg arrives discusses the Supreme Court?s recent term in a lecture to first year students at the Georgetown University Law Center, on September 26, 2018 in Washington, D.C. Photo by Kevin Dietsch/UPI (Newscom TagID: upiphotostwo627632.jpg) [Photo via Newscom]

Muqdisho ( Walwaal online) – Madaxweyne Donald Trump ayaa gucle orod ugu jira sidii uu aqlabiyada Maxkamadda Sare ee Mareykanka xisbigiisu u yeelan lahaa ka hor doorashadii Nov. 3, Trump wuxuu  warfidiyeenka u sheegay in uu qorsheynayo buuxiyo xilkii ay banaysay  Ruth Bader Ginsburg.

Dimoqraadiyiinta rajadoodii ahayd in kursigaasi banaanaado ayaa soo gudhay ka gadaal markii labada senator ee Jamhuuriga ah, Chuck Grassley iyo Cory Gardner, ay muujiyeen taageeradooda ku aaddan in dhaqso loo buuxiyo booska bannaan.

Trump oo warfidiyeenka  kula hadlay Aqalka Cad, ayaa  sheegay inuu hal ama laba musharax ka soo qaadan doono shanta qof ee u sharaxan booska, Wuxuu ugu yeedhay golaha guurtida, oo ay gacanta ku hayaan saaxiibadiisa Jamhuuriyiintu, inay u codeeyaan qofka uu horkeeno inta ka horaysa wakhtiga doorashada.

“Waxa aan aad u door bidayaa inaynu buuxino booska ka hor doorashada, waayo waxa aynu haysanaa wakhti aynu hawshaa ku qaban karo” .

Advertisement

Laba garsoore oo ka tirsan maxkamadda racfaanka federaalka ee uu magacaabay Trump ayaa ah kuwa ugu cadcad ee safka hore kaga jira in loo magacaabo jagadaa waa na Amy Coney Barrett oo ka timid Chicago kana hawl gasha   Maxkamadda Rafcaanka Mareykanka ee 7aad iyo Barbara Lagoa oo ka timaada Atlanta kana hawl gasha   Maxkamadda Rafcaanka Mareykanka ee 11aad. Trump ayaa Barrett kula kulmay Aqalka Cad Isniintii, sida laga soo xigtay ilo xog ogaal u ah xaaladda.

Ginsburg waxay jimcihii u dhimatay kansarka beeryarada iyadoo  87 gu tirsatay.

Bedelka booskeeda  Trump wuxuu qorshaynayaa inay dhacdo ka hor  xabaalida Ginsburg oo lagu wado in si gaar ah loogu aaso qabuuraha Qaranka Arlington usbuuca soo socda.

Saraakiisha ayaa diyaariyey in dadweynuhu ku  daawado meydkeeda banaanka maxkamada sare Arbacada iyo Khamiista iyo gudaha dhismaha Capitol-ka Jimcaha.

Geerida Ginsburg waxay siineysaa Trump iyo xisbigiisa fursad ay ku dhisaan aqlabiyad waayo 6 xubnood waxay noqon doonaan jamhuuri halka 3 keliyi demoqraadi ka noqon doonaan taasoo saamayn balaadhan ku yeelan doonta  maxkamada go’aamadeeda sida ilmo iska soo ridka, daryeelka caafimaadka, xuquuqda haysashada qoriga, marin u helida codeynta, awoodaha madaxweynaha iyo ciqaabta dilka.

Jamhuuriyiintu waxa ay haystaan 53 xubnood aqalka odayaasha halka 47 ay ka haystaan dimuqraadiyiintu, waxay barkaa dimuqraadiyiintu u baahan yihiin inay helaan 4 xubnood oo dhankooda soo mara si ay u joojiyaan in booskaa si dhakhso ah loo buuxiyo.

Xigasho Reuters

LEAVE A REPLY

Please enter your comment!
Please enter your name here